Project Officer – Uffiċċju tal-Kummissarju għat-Tfal (Permit Number 464/2025)

Kwalifiki u Esperjenza Meħtieġa:

Degree ta’ Baċċellerat fil-Communications, il-Marketing jew kwalunkwe Social Science. J/Taf j/tħaddem tajjeb kemm il-Malti kif ukoll l-Ingliż.

Esperjenza j/taħdem bħala parti minn tim, kreattività, kollaborazzjoni u project management, komunikazzjonijiet, tqajjim ta’ kuxjenza.

Ir-rwol tal-Project Officer huwa estensiv u varjat. Il-persuna magħżula se tkun responsabbli ta’, fost affarijiet oħra u kif meħtieġ: Tqajjim ta’ kuxjenza dwar id-drittijiet tat-tfal. Sapport fil-midja soċjali biex tikber il-viżibiltà tar-rwol tal-Uffiċċju u x-xogħol tiegħu għad-drittijiet tat-tfal. J/Toħloq, j/tabbozza u j/xxerred letteratura, powsters u materjal edukattiv ieħor, kemm bl-Ingliż kif ukoll bil-Malti, b’ rabta mal-Uffiċċju tal-Kummissarju għat-Tfal.

J/Tippromwovi l-valuri tad-drittijiet tat-tfal permezz ta’ bosta attivijiet fosthom materjal u preżentazzjonijiet għall-midja u promozzjonijiet edukattivi. J/Tgħin biex jittellgħu attivitajiet, taħdidiet, seminarji, live-ins, kompetizzjonijiet u eżibizzjonijiet għal studenti, ġenituri u għalliema. J/Tgħin fi programmi u proġetti li jsiru regolarment jew f’ dati speċifiċi fi ħdan l-Uffiċċju. J/Taqdi dmirijiet oħra relatati kif meħtieġ mill-Kummissarju għat-Tfal.

Biex tapplika, ibgħat is-CV tiegħek lil lorna.muscat@gov.mt sat-13 ta’ Ġunju 2025.